خلاص يا ناس
خلاص يا ناس مفيش خصام
حبيبي جاي معاه كلام
بيقول سامحني
دا الشوق جارحني
بعد النهارده مفيش خصام
خلاص يا ناس مفيش خصام
دا غاب وجاني رجعلي تاني
وقال يا عيني حقك عليه
وكان كلامه ليه وسلامه
أعز عندي من نور عينيه
جفت دموعنا قادت شموعنا
وبتلوموني ليه الملام
بيقول سامحني
دا الشوق جارحني
بعد النهارده مفيش خصام
خلاص يا ناس مفيش خصام
هااحكي واقوله عن حالي كله
قلبي ف غيابه داق العذاب
ولما سامح وجه وصالح
ساعتها قاللي كفاياك عتاب
الدنيا غنت والفرحة هلت
والقلب سلم مليون سلام
بيقول سامحني
دا الشوق جارحني
بعد النهارده مفيش خصام
خلاص يا ناس مفيش خصام
غرامه بيه دا عنده غيه
يا ناس دا حبه مدوبني دوب
وان فات علينا شهر تلاقينا
بنقول دي لحظة فاتت يا دوب
يا دنيا هاتي أحلام حياتي
أنا ف حقيقة ولا ف منام
بيقول سامحني
دا الشوق جارحني
بعد النهارده مفيش خصام
خلاص يا ناس مفيش خصام
من ديوان / القلوب أسرار 1999
الشاعر / محمد عبدالحافظ
عضو اتحاد الفنانين العرب
وكيل الاتحاد العالمي للشعراء
والمبدعين العرب بسلطنة عمان
ليست هناك تعليقات:
إرسال تعليق