متفرضش نفسك علي حد
مهما كان حبك ليه
لو عايزك مش هيحط سد
احسلك سيبه وخليه
لو مشتريك وعايزك
هيدور عليك قبل ما تدور عليه
اصحي من الطيبه والتغفل
عشان ميقولش عليك متطفل
وعشان متحسش احساس سخيف
لما يقول علي اهمتامك انك ضعيف
ابعد ومن نفس الكاس اسقيه
واتحمل بعادك لو كدا يرضيه
وعيش حياتك زي الاول عادي
واضحك قدامه واظهر ابتسامتك
ودوس علي قلبك لو ليه ينادي
بناقص الحب اللي يقل كرامتك
لا سمعنا حد مات م الحب
ولا حد مات من فراق حبيبه
اللي صادق وحبه من القلب
مستحيل هيهين حبيبه
هيفرح من اهتمامه بيه
يتمني في كل مكان يلاقيه
فنصيحه مني بجد
متفرضش نفسك علي حد
مهما كان حبك ليه
لو عايز مش هيحط سد
احسلك سيبه وخليه
قلم . محمد سالم
ليست هناك تعليقات:
إرسال تعليق