اى كلام """ بقلم """"الشاعر/ حسام ابوحمدالله
اى كلام
ياريت ما سالتوا تانى
نفس السؤال إياه
تنسوه انتوا فى ثوانى
وانا أعيش عذابى معاه
وارد بأى كلام
وأقول والله تمام
واسيبهم وامشى عشان
ما اسمعش سؤالهم تانى
ويا دنيا جرالك إيه
بتعاندى معايا ليه
أنا بس غلطت فى إيه
وليه قلبى بيعانى
جوانا هموم سنين
ولا نبقى مبينين
ف عنينا الضحكة لكن من جوه مدمعين
وتمر كتير ساعات
بنفكر فى اللي فات
معقولة العمر عدى
بينا كده من سكات
ويادنيا رسينا
مين جاى على مين فينا
قصرنا فى حاجة معاكى
ولا عملنا اللي علينا
وارجع أحلم واعيش
ليا بقى أو ماليش
ولا هاخد غير نصيبى
ف خلاص .. ما يهمنيش
اوعى تحزن يا طير
ده بعد الدمعة خير
جايلك بس فى أوانه
أصبر ربك كبير
بقلم:
الشاعر/ حسام ابوحمدالله
ليست هناك تعليقات:
إرسال تعليق