فلتحيا الحرية
رافع رأسي و ماشى
رأيى و صوتى عالى
بدافع عن حق ولادى
حق ابويا و أجدادى
فلتحيا الحرية
متكلم أنا و مش صامت
أريدها دايما و مش ساكت
شيطان أخرس لو ساكت
متسبش حقك و طالب
فلتحيا الحرية
فالمجد كل المجد
لمن فنيت حياته
فداءٍ لبلاده
أقولها و بحرية
فلتحيا الحرية
فليفن الجسد
و يحيا الوطن
بحب الحياة
من غير خوف
بقدر كل الظروف
بعشق الحق
و بكره الظلم
بحب الطير فى السما
بكره الآها و الحيره
بكره الحقد و الغيره
فلتحيا الحرية
غردى يا طيور
فى الصباح
و دندنى بأجمل الألحان
و اعزفى الصرخه بدون أوجاع
دا الحق راجع
مهما مكث الظلم فى الحياة
الصرخه تعلى و تلف الكون
و ترجع حق كان معدوم
فلتحيا الحرية
ناس كتير غلبانه
مش عارفه حقوقها
واخده على الأهانه
ماشيه مع لقمه العيش
و دا حلمها فى الحياة
حلم مريض
رفض الانفتاح
و المطالبة بحقه
و دا أبسط الحياة
فلتحيا الحرية
لا خوف و لا كسل
أهدأ
و ناشد الوطن
غير فيه و اتغير معاه
عيش أحلامه و حققها
و ابنى فيه لبكره
و اوعى تنسى
إن البداية فكره
خلى الحرية
أمل و مستقبل مشرق
فلتحيا الحرية
****
أحمد أمين .... مصر
ليست هناك تعليقات:
إرسال تعليق