*****(((مهرجان والكل شغال)))*****
كنت معدي على الجيران
وفي شارعهم مهرجان شغال
وكان الصوت عالي يطرش الودان
والخبط والرزع فى كل مكان
قام رجل محترم ساكن فى المكان
ماعجبهوش المغالاه وتدهور الأحوال
وتكلم بين الحضور وقال
جر أيه ياشباب الجيل
فين الوقار والإحترام
الهيبه ضاعت منا والإحتشام
والتنطيط والشقلبه أصبحت هي العنوان
ناس بتتشال وتتهبد فى الأرض
وتتهز بالطول والعرض
وتخبط دماغها فى الحيط
وكأنه واجب وعلى الكل فرض
ردوا عليه وهم مش عجبهم الكلام
وطول اللسان والغلط والغيظ عليهم بان
ياعم أنت عبيط
بطل رغي وهلفطه
زمانك قطعوه بالمخرطه
أنت مكانك فى المتحف
تتشال فى بترينه
أوترجع زمنك بسفينه
كلامك ذي عدمه ولابيأثرفينا
وقوم أمشي وهوينا
بتفكرنا بنصح أهلينا لينا
لاهنتعلم منك ولاهتهدينا
أحنا فى زمان القحرته
الشكل فيه عجيب وغريب
وقصت الشعر تعيب
تنقص بالرجل ولاتزيد
عليه العوض ياشباب
الرجوله والشهامه حلت محلهاالخسه والنداله
وأشياء كثير أتغيرت وأتبدلت فى زمانا ياما
أنا خايف تقوم القيامه وأحنا على هذه الحاله
وأه يانا أسمعوني لو لسا فيه رجاله بشنبات
ولا الرجوله أصبحت عاله ورضينا بالمهانه
سمحوني وأعزروني ومع السلامه
بقلمي/محمودصلاح السيد27/4/2016
ليست هناك تعليقات:
إرسال تعليق