مين له حق ومين غلطان
..................................
حاجه تضحك وحاجه تبكى
وحاجه تحزن لو بيها تشكى
شعب حضارته سبقاه فى سيرته
وصل الامر يتوه من حيرته
مين له حق ومين علطان
صبح الحزن فى كل مكان
وبيتمنى يشوف الضحكه
لو هيجيبها من الدكان
بيراضى دول ويراضى فى دول
عشمه فى لقمه حلال يأكلها
لو هيعيش على طبق الفول
راضى بمكه تبقى فى شبرا
وراضى بشبرا تروح نجران
بس يلاقى اللقمه يأكلها
لو غمسها بالصبار
واستغلال السلطه لطيبته
حاكمه عليه يكون حمار
حاجه تضحك وحاجه تبكى
وحاجه تحزن لو بيها تشكى
شعب حضارته سبقاه فى سيرته
وصل الامر يتوه من حيرته
مين له حق ومين غلطان
بقلم محمد البلاط
ليست هناك تعليقات:
إرسال تعليق