ياه يا قلبي
كل ده من كلمتين
وبتقولها كنتي فين
معقول كل ده حب
وخليتها بين قوسين
طب مين قدك ومين قدي
معقول القمر نزل عندي
ياه يا قلبي
عاشت لحظات بس معاك
حبتها ووصفتها بالملاك
سكنتك طرت من الفرحه
وليه قبلها كنت معاق
وده كان ذنبك ولا ذنبي
ياه يا قلبي
لو جيت للجد تستاهل
اميرة وجتلك بالساهل
وياما دقو غيرها بابك
وليهم كنت تتجاهل
وجيت عندها ولقيتك بتهدي
كلمتها واتفسر الحلم الوردي
ياه يا قلبي
احساسها حلو وضحكتها حلوه
وصوتها احلي من اي غنوه
بتتنهد زي اللي اترتاح بعد مشقه
جيت توصفها لقيتها ارق من الرقه
تندهلك وبسرعه تلبي
ياه يا قلبي
كل دقه فيك بتقول اسمها
اللي الجمال عجز في رسمها
ووعدها وحلفت توفي بالوعود
اللي لجمالها انحنت الورود
من زمان كان ودك وكان ودي
واهو نزل القمر وعاش عندي
ياه يا قلبي
عايز اقولها لكل الناس
انهاردا كان اجمل يوم
سمعت صوتها وضاع النوم
وعشت معها اجمل احساس
عيشي يا دقاتي وغني
وطلعي كل المخبي
ياه يا قلبي
قلم . محمد سالم
ليست هناك تعليقات:
إرسال تعليق