الخرافات-------د صبرى إسماعيل
*****
قابلت واحد فرطوسى-----من اللى غاويين الشهرة
عجول وخرفان وجاموسى--ماعندهوش أيّها فكرة
المخ أملس بلبوصى--------نقوله توب بيقول بكرة
بيخطّ بالجير ع الميّة--------ويسند الحرف بشجرة
فى الكِدب نال العالمية------ظهر وبعد ماكان نكرة
شرّاط يفوق الحراميّة----ويغازل البيضة والحجرة
القرد عنده عسل بيبيض--وحوته يسبح فى الصحرا
وحباطة نقلت للمساعيد----والنخعة صارت مُعتبرة
يفِتّ مهما نقول ونعيد-----والعِلم يصرخ م الحسرة
سوق الخرافة تملّى يزيد---والمال قلب قلبه لحجرة
ليست هناك تعليقات:
إرسال تعليق