مين اللي باع التاني ج3
خالدالمنصوري
قالت فى الاول انها رفضت لكن ما صمدتش لثوانى
حتى كان رايها متذبذب دا أنا شكيت انها حتى تكون عارفانى
أو كان بينا ف يوم حب أو كنت ف يوم كلمتها وكانت سمعانى
أو يمكن كانت حبتنى لكن نسيتنى واكيد مش فكرانى
أصل الطبع كان غريب وكان عجيب كلها كده كانت والله مبرجلانى
حاكم فيه ناس صح كده.. تحب ف ثانيه. وكمان تنسى فى ثوانى
وأنا كمان حظى كده الزمن دا أصله زمانى
واخدين أنا وهو على بعض لو حبيت شىء لازم يلقانى
ويجى علشان يفرق ودى الحاجه اللى مجننانى
عملت ايه فيه.. اسأله ما يجاوبش أبدا على سؤالى
طب امته راح يجى؟ ما تستعجلش؟ حاضر
سلام ياسى زمن انت أو هى كله فانى
للحديث بقية مع الجزء الرابع
خالدالمنصوري
11/5/2016
ليست هناك تعليقات:
إرسال تعليق