اهداء الى روح ابن بلدى الشهيد/ محمد اسماعيل فى ذكراه السنوية والى كل شهداء الوطن عبر الازمان والعصور ونحتسبهم ف جنان الخلد ان شاء الله
**********************************************************
........((((( دم الشهيد )))))
*********************************
اوعاكى تنسى يا بلد
.................دم الشهيد
اوعاكى تنسى دا الولد
.................منك وليد
اوعاكى تنسى عمرهم
همَّ اللى ماتوا بعشقهم
علشان نشوف
............ فجرك جديد
همَّ اللى عاشوا
..........ف حلمهم
همَّ يا مصر اللى انكتب
........على قبرهم
...............كلمة شهيد
اوعاكى تنسى يا بلد
................دم الوليد
دم الشهيد يا مصر
............ عندك ديَّتُه
دم الشهيد يا بلدى
........... وحياة شدَّتُه
لتزيلى ليلك والسواد
ويهل فجرك
............. .من جديد
احمد.. محمد
واللى كانوا
يروى ترابك دمهم
علشان تكونى
.............. كما الحديد
مينا وبطرس زيَّهم
ضحوا بدماهم
.................فجر عيد
اوعاكى تنسى يا بلد
................دم الشهيد
اوعاكى تنسى دا الولد
................ منك وليد
هوَّ اللى أخلص نيته
هوَّ اللى ضحَّىَ بدنيته
علشان تكونى بعزتك
وتعيشى عالية يا بلد
جواكى
( 100 ) مية مليون
...................شهيد
**********************************
الاديب الشاعر / أشرف فؤاد السمادونى
*********************************
اللهم ارحم كل شهداء الوطن يا كريم
*********************************
ليست هناك تعليقات:
إرسال تعليق