العمر بيفوتك
احمد صبري
-
حتقول لمين
ومين هيسمع صوتك
عشت السنين
متخبي بلون سكوتك
رايح لفين
اوعاك تكون عارف
تعرف منين
العمر
بيفوتك
-
عجبي عليك
يا قلب متقطع
مين حس بيك
وانت بتتوجع
العشق فيك
بيروح ولا يرجع
تشتاق عينيك
والف شيء يمنع
-
يامعلم القلوب تفرح
بالله عليك تعلمني
الحزن ف كل مطرح
يطرح بحسسني
حنين سكين بيدبح
والروح بتتعبني
اتمنى المر يسرح
والحلو يغلبني
-
مكانش الغلب زوقي
ولا كان على بالي
ومهما اخدني شوقي
ارجع وانا الخالي
الدم بقى ف عروقي
كما انين عالي
والشمس وقت شروقي
بتغيب كده ليالي
-
من كتر ما فكرت
كانت تذيد ناري
كتير انا اتكدرت
تاه مني مشواري
كل اما اقول قررت
اندم على قراري
انا اللي فيا إحتارت
غريب وانا ف داري
-
شوف عدا كام
وانت بتتمنى
خلص الكلام
بطلت تتغنى
قتلوا الاحلام
ولا السنين جاية
كلها ايام
واديك بتستنى
ليست هناك تعليقات:
إرسال تعليق