حلم حلو ضاع
قالت سلام انا عايزه انام
قال نفسى تبقى معايا وتكونى المدام
سكتت بتسمع بانسجام
اخر الكلام
قالت بحبك بعدها قفلت قوام
كانت مكالمه وكلها عشق وغرام
دخلت تنام . شافت منام
عروسه قاعده ف وسط كوشه
والناس بترقص ف الزحام
صحيت على الزغاريط
والطبل والتنطيط
بصت من الشباك
شافت حبيبها هناك
قالت تمام . نزلت قوام
لقيت معاه بنت الجيران
بردت ايديها مسكت
ودموعها نزلت غرقت
كل المكان
كان حلم حلو وضاع قوام
بقلم /حسام ابوحمدالله
ليست هناك تعليقات:
إرسال تعليق